مرحبا ..
احلى مساء …
مساء مليء بعبق الماضي ..
برائحة جميلة
رائحة الماضي السعيد ..
ماضي ذكريات عطره …ذكريات لاحت اليوم في افق سماي الصافيه …لتعتريها غيووم محملة بالشوق لتلك الايام التي كانت ولا أجمل …
ذلك الشوق الذي يدفعني …ويدفعك …للحظات ما…
مرت ذكراها …لتظل آثارها قابعة على وجوهنا …
أما كأبتسامه …
أو …حزن مرير ..
…
( اسمحولي الحين اتكلم بالعامي ….علشان اقدر اعبر ووصل الصوره عدل )
حبيت اليوم اني اطرح موضوع عن الذكريات ومعاه نرجع كلنا لذكرياتنا الحلوه …ذكريات كانت جزء من حياتنا …عشناها …واستانسنا فيها ….وذكراها يونسنا اكثر ….طبعا الموضوع جا على بالي بعد رجعة للذكريات ….فقبل كمن يوم رجعت لذيك الذكريات وهذاك كان من بعد ألحاح من بنت أختي اللي اصرت الا أنها تشوف شريط فيديو كان فيه صورها لما كانت صغيره…وبعد الحنه رحت ادور عنه …وبعد مشقه وتعب لقيته ولقيت معاه اشرطه واجد وكل شريط كان مكتوب عليه تاريخ تصويره ..الي كان سنة 1993 ,,,واللي كان سنة 1998 و2000 ووو….تواريخ كانت تعني لي الكثير طبعا خذيت الكيمرا ورحت وجمعت الاهل وقعدنا نشوفه …
آه وش اقوول لكم …ذكريات مرت شفتها …رجعت لي ايام كانت ولااجمل ….بالفعل رحلت لعالم ثاني …معاها …شفت من خلال هالاشرطه شريط حياتي يمر علي …
خلال ماكنت اشوفه …تجمعت كل المشاعر مره وحده …
مواقف تضحك ومواقف تحزن ومواقف شاعريه وووو
…
من المواقف اللي ضحكت لما شفتها …كان تصوير لي ايام الاعداديه …الله لايوريكم شكلي ..(مأساه)..كان يومها رايحين كلنا كشته للبر ايام الشتا …وكنت انا اللي اصور وماخليت احد في حالة ..انواع المقالب سويتها في الشباب والبنات حتى الشياب والعجايز …ولما شفنا التصوير متنا كلنا من الضحك …تحسون كل شي تغير اللي تغير شكله
